تكفى لا تخليني

اقرأها كامله قصيده مؤثره.

رجع يسأل عن أخباري بعد غيبة سنه وشهرين

..رجع شايل وجع صدره وقال أرجوك واسيني

رجع كنه يحسبني سـعيد بدنيتي أو زيـن

. وإهو ما يدري الدمعة تسيل ولاتسليني..

دمع.هالوجه..أو كنه جمع في غيبته جرحين

.. وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكين

ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين

.. وأنـا جيتـك بهاليـله وتكفى لا تخليني..

و أنا.. لامن نطق (تكفى) عطيته لوطلب هالحين

..وأجود بكل ما يملك خفوقي وتملك إيديني..

وقلت: أبشر ولايهمك تدلل وش تبي يا زين

.. تراني فدوة عيونك (لو إنك جيت تشقيني)..

حبيبي لو تبي القمـرة عطيتك فوقها ثنتين

.. بعد لو تطلب النجمة أبنطق جيتك إضويني..

بعد هذا ضحك ..بعثر همومه سلهم الرمشين

.. وقـال الله يـا الطيب وأنا ظنيت ناسيني..

صراحة.. حيل تحرجني يا طيب يا أطيب الغاليين

.. ولا أدري كيف بوفيلك حبيبي وأنت تعطيني..

بعـد هذا تسـامرنا وتواعـدنا بعد يومـين

. . ووصيته على قلبي وهـو مثلي يوصيني..

تواعدنا على الجمعة ((ولا جاني ))إلى الإثنين

. ومر أسبوع والثاني وشوقي يشتعل فيني..

تصدق عاد يا السامع !!ولا جاني إلين الحين.

وقبل تسأل عن أسبابه بجاوب ((وإنت واسيني))..

لأنه مـات في حـادث وأنا مت بغيابه ليـن

[[عرفت إني كذا ببقى ولا أحد يقوى يحييني]]..